Nevroloji uşaqların ümid yeri olan Doktor Günel Ümid: bu gün onun ad günüdur

Pediatr-nevroloq Dr. Günel Ümid 1998-2004- cü illər ərzində Azərbaycan Dövlət Tibb Universitetinin pediatriya fakultəsini fərqlənmə ilə bitirib.

2004-2007-ci illərdə prof. Z.Əliyevin rəhbərliyi ilə Uşaq Nevroloji Xəstəxanasında “Epilepsiya”, “USI”, “İnkişaf ləngiməsi”, “Nevrozabənzər əlamətlər”, “Pre-Perinatal Ensefalopatiya” və.s patologiyalarla məşğul olub. Azərbaycan Respublikası Həkimləri Təkmilləşmə İnstitutu, RF Moskva şəhərində Pediatriya İnstitutu, Neyrofiziologiya İnstitutu, Psixiatriya İnstitutunda təkmilləşmə kursları keçmişdir.

Hal-hazırda Sankt-Peterburq şəhərində Bexterev adına “Beyin İnstitutunda” disertanturada təhsilini davam etdirir. Yunanıstanda, Türkiyədə, BƏƏ, Rusiyada və.s ölkələrdə keçirilən konfranslarda çıxışlar etmiş, bir çox xarici elmi jurnallarda məqalələri çap olunmuşdur.

EEQ, EMQ üzrə mütəxəssisdir.

Müayinə və müalicə sahələrinə aşağıdakılar aiddir:

Baş ağrıları, gecə enurezi, psixo-motor inkişafın geriliyi, bayılma, diqqət defisiti və hiperaktivlik, baş hərlənmə, qıcolma, yuxu pozğunluğu, əqli inkişafın ləngiməsi və Autizm elementləri, uşaq onanizmi, qorxular, tiklər, kəkələmə, hərəki pozğunluqlar, nitq inkişafının geriliyi və.s

P.S..

Güneli Ümidimizin şad gününə…

Bu gün Xəzər TV-nin “Təsir Dairəsi” verilişinin gülərüz doktoru, hamımızın və xüsusən də uşaqların sevimlisi və ümid mayakı Günel xanım Ümidin bu işıqlı dünyaya Günəş kimi doğulub cahanımızı daha da nurlandıran gündür.
Elə şəxslər var ki, onlarla tanışlıq həyatı adama sevdirir, onların varlığı ətrafa sevinc və xoşbəxtlik saçır, Günel xanımla teledostluğumuzdan sonra bu fikrim daha da gücləndi. O elə peşəkarlardan və həyatsevər insanlardandır ki, həyatın hər anının bayram olduğunu əla bilir.

Doktor Günel ömür yoluyla, xeyirxahliğıyla, Hippokrat andına sadiqliyilə, sahəsində qazandığı uğurlarıyla, bənzərsiz intellektiylə, daxili mədəniyyətiylə, ailəsinə – həyat yoldaşına sədaqətiylə, dostlarına inamiyla, uşaqlarına sevgisiylə və ən əsası da xalqına xidmətləri ilə o bayrama rəng qatan kreativ xanımlarımızın on cərgəsində dur, Günel xanım…

@dr.gunel_umid Ad gününüz mübarək, dəyərli dost, hər zaman ümidləri doğruldan uğurlar sahibi olasız…

Aydın Xan Əbilov,

Yeni Yazarlar və Sənətçilər İctimai Birliyinin sədri,

www.kitabxana.net – Mir Cəlal Paşayev adına Milli Virtual Kitabxana portalının və www.yenimedia.net saytının təsisçisi/baş redaktoru,

Prezident təqaüdçüsü, yazıçı-kulturoloq

https://www.instagram.com/dr.gunel_umid/

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir