2025-ci ildə… Kulturoloqun özəl kreativ-innovativ planları. YYSİB sədri Aydın Xan Əbilov

Publik olaraq TV-lərdə görünsəm də, fərdi olaraq daha da a-sosiallaşaram, güman: cəmiyyətin savadsızlığı artıq “mən”imi öldürur.
Müxtəlif məsələlər ətrafında fikirlərimi daha da kəskin, fərqli problemlər ətrafında mövqeyimi sosial-ictimai tənqid üzərində quraram.
Mürəkkəb şifrəli qeydlərimi azaldacaq, əksinə, sadə həqiqətləri dövrün trendinə çevirərəm: məsələn, eko-böhran, Sibirdə baş verəcək maqmatik/vulkanik zəlzələlər, planetimizi gözləyən cəhənnəmvari olaylar…
Mənasız ədəbiyyat/poetik düşüncədən tamam imtina edib, tənqidi/fəlsəfi mövqeyə qayıtmaqdan kulturoloji fikrimizin fərqli inkişaf mərhələsinə qaldırmağa səy göstərərəm.
Fərdlərlə minimum təmasa girərəm, əsas subyektin kimi cəmiyyətin dəyişməsinə üstünlük verərəm.
Sivil addımlarıma və tənqidi mövqeyimə görə qara kütləni azğınlaşdırmaqdansa, zamanı idarə etməyə, hadisələri istiqamətləndirməyə, adamları dəyişməyə xüsusi diqqət ayıraram.
Başqalarının yanlışliqlarına, təhqirinə, pisliyinə, qara əməllərinə görə anındaca cəzalandırmaq üçün vergili istedadımdan maksimum yararlanaram.
Daha heç kimin dərdinə köklənmərəm: adamlara yönəli səmimiyyətini, sənin zəifliyin sanıb, səni daşlamağa çalışırlar: buna birdəfəlik son qoyaram…

01.01.2025