İtən mənəviyyatımız: harada və necə səhf etdik?! Hacı Rahim İsmayılov yazır
Əziz qardaşlar, dəyərli bacılar…
Bu gün danışmaq istədiyim mövzu çox ağır, çox həssas bir mövzudur — ailə.
Ailə, sadəcə, bir ev deyil…
Ailə sadəcə bir kağız üzərində qurulan nikah deyil…
Ailə — bir millətin ürəyidir!
Əgər o ürək zəifləsə, millət də zəifləyər…
Əgər o ürək dayansa — millət də məhv olar!
Bu gün baxırıq… boşanmalar artır…
Gənclər evlənməkdən qorxur…
Evlənənlər isə dözmədən ayrılır…
Sual verirəm: Niyə?
Sevgi azalıb? — Xeyr!
İnsan dəyişib? — Bəli!
Biz səbr etməyi unutmuşuq…
Biz bağışlamağı unutmuşuq…
Biz “mən” deməkdən “biz” deməyə keçə bilməmişik…
Əziz gənclər!
Siz evlilik quranda xoşbəxtlik axtarırsınız…
Amma bilmirsiniz ki, xoşbəxtlik hazır verilmir — qurulur!
Əgər bir evdə hörmət yoxdursa,
əgər bir evdə anlayış yoxdursa,
əgər bir evdə Allah qorxusu yoxdursa —
orada sevgi də uzun sürməz!
Bu gün sosial şəbəkələr sizə yalan bir həyat göstərir…
Hamı gülür, hamı xoşbəxt görünür…
Amma heç kim gecə ağlayan ailələri göstərmir…
Heç kim susaraq əziyyət çəkən anaları göstərmir…
Heç kim içində qırılan ataları göstərmir…
Əzizlərim…
Ailə oyun deyil!
Ailə məsuliyyətdir!
Ailə səbrdir!
Ailə fədakarlıqdır!
Kişi kişi olmalıdır!
Qadın qadın olmalıdır!
Kişi ailənin dayağıdır…
Qadın ailənin nurudur…
Dayaq sınsa — ev çökər…
Nur sönsə — ev qaranlığa qərq olar…
Gənclərə səslənirəm!
Evlənməzdən əvvəl özünüzü düzəldin!
Əxlaqınızı düzəldin!
Niyyətinizi düzəldin!
Çünki sən özün düz deyilsənsə — qurduğun ailə də düz olmayacaq!
Valideynlərə də deyirəm…
Övladlarınıza yalnız pul verməyin!
Onlara tərbiyə verin!
Onlara din verin!
Onlara vicdan öyrədin!
Çünki pulu olan, amma əxlaqı olmayan övlad — sabah bir ailəni dağıdacaq!
Unutmayın…
Ailə qorunarsa — millət qorunar!
Ailə dağılarsa — millət dağılır!
Sonda deyirəm:
Gəlin ailəmizi qoruyaq…
Gəlin bir-birimizi anlayaq…
Gəlin Allahı həyatımızdan çıxarmayaq…
Çünki Allah olan evdə bərəkət olar…
Sevgi olar…
Səbr olar…
Allah ailələrimizi qorusun. Amin.
Hacı Rahim İsmayılov
İctimai xadim, araşdırmaçı-publisist,
Mədəni-Niyyət qəzetinin , “Yenideyer.az”
saytının təsisçi və baş redaktoru
“MENTALİTET” sosial-mənəvi dəstək İB sədri
