Yazıcı-publisist Hacı Qəni Camalzadə ilə Purallahı oxucularınin görüşü
Bakı şəhər Mədəniyyət Baş İdarəsi Xəzər rayon Mərkəzləşdirilmiş Kitabxana Sisteminin 2 N-li kitabxana filialında Azərbaycan Yazıçılar Birliyinin üzvü, yazıçı-publisist, Qarabağ müharibəsinin iştirakçısı Hacı Qəni Camalzadə ilə görüş keçirilib.
Tədbirdə nasir, publisist, əməkdar jurnalist İdris Şükürlü, şair-jurnalist Şahin Həmidli, Xəzər rayon MKS-nin 1 sayı kitabxana filialının müdiri Pərvanə Salayeva,4 N-li UGİM-nin müəllim kollektivi və dərnək üzvləri, 186 N-li tam orta məktəbin Azərbaycan dili və ədəbiyyat müəllimi Həcər Ramazanova və şagirdləri,168 N-li tam orta məktəbin Azərbaycan dili və ədəbiyyat müəllimi Sevda Alxasova, 14 N-li Musiqi Məktəbinin müəllim kollektivi iştirak ediblər.
Görüş zamanı müəllif kitabları barədə ətraflı məlumat verdi, iştirakçılar tərəfindən əsərləri müzakirə olundu, yaradıcılığı haqqında suallar verildi. .4 N-li UGİM-nin bədii-qiraət dərnəyinin üzvləri “İmpuls” hekayəsindən bir fraqmenti səhnələşdirdilər.
Tədbirin sonunda yazıçı öz kitablarını kitabxanaya hədiyyə etdi. Tədbirin əsas məqsədi gənc nəslin təfəkkür səviyyəsinin formalaşması, elmli, intellektli gənc nəslin yetişməsidir.
