Koronovirusa qarşı istifadə olunan peyvəndlərin tərkibi nələrdən ibarətdir? “Pandemiya yalandır, peyvəndlərdə 3 heyvanın geni var”. İki fərqli mövqe

Dünya ölkələrində peyvənd kampaniyaları davam edərkən insanları maraqlandıran əsas suallardan biri də vaksinlərin tərkibidir.

Türkiyənin yoluxucu xəstəliklər üzrə mütəxəssisi Dos. Dr. Elif Hakko “Sözcü” qəzetinə “Sinovac” və “Pfizer” peyvəndlərinin tərkibi haqda danışıb. 

“Sinovac” peyvəndinin tərkib hissələri aşağıdakılardır:

İnaktiv virus (SARS-CoV-9): Bütün “silah”larından məhrum edilmiş zərərsiz bir koronavirus. Bu inaktiv virus sayəsində immunitet sistemimiz “düşmən”i əvvəlcədən tanıyır və ona qarşı antikorlar istehsal edir.

Alüminium hidroksid: Bu maddə peyvəndlərdə 70 illik istifadə tarixinə malikdir. “Sinovac” peyvəndində köməkçi maddə kimi istifadə edilən bu maddə virusa reaksiya gücünü artırmağa kömək edir.

Natrium xlorid: Yəni duz. Peyvəndin sıxlığını bədənimizdəki mayelərə görə tənzimləyir və yayılmasını asanlaşdırır.

Monosodyum və disodyum hidrogen fosfat: Onsuz vaksin antigen xüsusiyyətini asanlıqla itirə bilər.

Natrium hidroksid: Peyvəndin uzun müddət saxlanması üçün lazım olan pH (məhlullarda hidrogen ionlarının konsentrasiyasını və ya aktivliyini səciyyələndirən kəmiyyət) dəyərlərini tənzimləyir.

Su: Vaksindəki bütün maddələri həll etmək və bədənə yeritmək üçün istifadə olunur.

“BioNTech” peyvəndinin tərkib hissələri:

mRNA: Yeni texnologiyaya görə ənənəvi peyvəndlərdən fərqlənir. Bu texnika, süni olaraq istehsal olunmuş bir mRNA molekuluna sahib hüceyrələrdə virusa qarşı bir “mismar zülalı” ​yaratmağa imkan verir və bədənin müdafiə sistemi virusla qarşılaşdıqda bundan istifadə edir. Missiyasını tamamladıqdan sonra hüceyrə tərəfindən məhv edilir.

Yağ: mRNA zirehidir. Ətrafındakı yağ təbəqəsi ilə örtərək onu qoruyur.

Duz: Peyvəndin pH səviyyəsini tənzimləyir və bədəni pH dəyəri ilə tarazlaşdırır.

Şəkər: Dondurma mərhələsində istifadə olunur. Bunun sayəsində dondurulmuş peyvəndin molekulyar quruluşunu pozulmaqdan qoruyur.

Su: Peyvəndin bütün tərkibini həll etmək və bədənə daşımaq üçün istifadə olunur.

Peyvəndlənmədən sonra, xüsusən peyvəndin vurulduğu bölgədə – qolda yüngül şişlik və ağrı ola bilər. Ancaq ağrı adətən bir gün içində keçir. Bundan əlavə, baş ağrısı, halsızlıq, yorğunluq, əzələ ağrıları və yüngül temperatur kimi simptomlar da müşahidə olunur. Bütün peyvəndlərdə və dərmanlarda olduğu kimi nadir hallarda allergik reaksiyalar da baş verə bilər. Bu simptomlar mRNA peyvəndləri ilə bir az daha çoxdur. Peyvənddən 24 saat sonra yan təsirlər davam edərsə, həkimə müraciət etmək tövsiyə olunur.

18:29 / 22 İyun 2021

“Pandemiya yalandır, peyvəndlərdə 3 heyvanın geni var”

Koronavirus infeksiyası deyilən xəstəlik yoxdur, insanlar kimyəvi silahla xəstələndirilib, bu maddə hava ilə səpilir.

İndiki vaksinlərin tərkibində şimpanze meymunu, donuz və siçan genləri var.

Uzun müddət Moskvada yaşayıb işləmiş psixiatr Abdulla Şıxlınskiy dünyada bir çox mütəxəssislər kimi pandemiya və koronavirusun varlığına inanmayan və hər şeyin düşünülmüş ssenari olduğuna inanan insanlar qrupuna daxildir.

O, Azərbaycanda əslində pandemiyaya ehtiyac yaradacaq bir vəziyyətin olmadığını deyir. Nəinki pandemiya, heç epidemiya da olmayıb.

Bəs bu qədər insanın xəstələnib,ölümünə səbəb olan nədir?
İndi vurulan peyvəndlər nə üçündür?

Bakupost.az psixiatrdan maraqlı açıqlamanı təqdim edir.

“Koronavirus adlanan virus 1950-ci ildən elmə məlumdur, o ağır xəstəlik, özü də ikitərəfli pandemiya törətmək qabiliyyətinə malik deyil, bu virus impotentdir. İmpotent yəni heç bir qüvvəsi olmayan.

Bəs yayılan nədir? Bu süni olaraq yaradılmış kimyəvi silahdır. Kimyəvi maddə hava ilə yayılır, səpilir.
Bəzi mənbələrə görə bu maddənin adı beriliuftolitdir. Bunu deyən alimləri, həkimləri məsxərəyə qoyurlar, ələ salırlar, ciddi qəbul etmirlər, insanlığın düşməni adlandırırlar.

Ən mötəbər alimlər, həkimlər artıq bunu sübut edib.

Koronavirus sadə bir virusdur, insan bədənində də, heyvan bədənində yaşayır, həmişə olub, olacaq. Amma o insanı öldürə bilmir. Bunlar hamısı mif və yalandır. Həqiqətdə koronavirus infeksiyası adında xəstəlik yoxdur. Bu kodlaşdırılmış addır.

Koronavirus sadəcə layihənin adıdır. “Koronavirus pandemiyası” layihəsinin məqsədi Yer kürəsi əhalisinin sayını kəskin azaltmaqdır.

Çox sayda insan kimyəvi silahın təsirindən öldü və ya yarımcan oldu, qalanları da vaksinlərin nəticəsində aradan çıxacaq.

İndi tətbiq olunan bütün vaksinlər tərkibcə 3 komponentdən ibarətdir:

Birincisi heyvan geniləri şimpanze, donuz və ya siçan. Bu genlər insan DNT-nə yaddır. Bədənə daxil olan kimi immun sistem kəskin reaksiya verir, çoxlu miqdarda antitellər yaranır və DNT-nin stukturunu dəyişən məlumat göndərilir. Yeni DNT sintez olunmağa başlayır.

Antitellər isə bədənin öz hüceyrələrinə qarşı müharibəsinə səbəb olur, buna autoimmun proseslər deyirlər. Öz –özünü məhv etmək prosesi işə salınır.

İkinci komponenti – infeksion xəstəlik törədicisidir. Ona görə çox insanlarda peyvənddən sonra qızdırma yaranır. Bu müxtəlif virus və infeksiyaların törədicisi ola bilər. İkinci dozadan sorna bədəndə infeksion xəstəlik mənzərəsi yaradır.

Adam var peyvənddən sonra qrip kimi xəstələnir, halbuki bu pandemya müddətində bir dəfə xəstələnməyib.

Üçüncü komponent isə aylardır dünyanın ağıllı qüvvələri tərəfindən deyilən və digər “ağıllı” professorların da gülüb keçdiyi çip məsələsidir. Maye çip. Deyirlər vaksin maye halındadır, orda necə dəmir kimi maddə ola bilər ki.
Ağlasığmazdır.

Deyim necə olur. Vaksin bədənə vurulur, bu komponent beynin ensefelopatiya baryerini keçir, maye çip beyinin orta hissəsində sonradan bərkiyərək oturur, çox mikroskopik bir çipə çevrilir. Bu çipdən daimi mərkəzi sistemə siqnallar göndərilir. Bu proses bəzi yaşlı insanlarda formalaşanda beyin və onurğa beyin sistemini sıradan çıxara və qısa müddətdə iflic ola bilər. Beyin kötüyündə olan mərkəzlər getdikcə öz fəaliyyətini dayandırır.

Bu haqda geniş məlumatı ötən ay məşhur rus alimi, beynəlxalq səviyyədə genetik xəstəliklər üzrə professor Pavel Vorobyev Metropol mehmanxanasında rus alimlərinin pandemiya ilə bağlı dəyirmi masasında açıq aşkar bəyan etdi. Bu bəyənatı məşhur mikrobioloq Zverev də təsdiqlədi. Onlar vaksinlərin dediyim tərkibdən ibarət olduğunu demiş və insanlığa zərərini açıqlamışdılar.

Avropada da bunu təsdiqləyən çox alimlər var. Həqiqətən də indi insanlara vurulan vaksinlər infeksion xəstəlik, eləcə də impotent koronavirusa qarşı yox, əksinə infeksion xəstəliyi yaratmaq və yaymaq üçün yaradılıb.

Vaksin adlandırılan şübhəli maddə orqanizmdə hiperkoaqulyasiya yaradır. Bu nədir? Qanın damarlarda qatılaşması, tromboz. Vaksin vurdurub səyahətə çıxan bir çox insanlar təyyarə havaya qalxan kimi ürək beyin tutmasından, trombozdan ölüblər. Buna səbəb vaksin olub.

İtaliya, Almaniya, Fransa aviaşirkətləri artıq buna qarşı protesto verib ki, peyvənd olunmuş sərnişinlərdə təyyarə havaya qalxan kimi vəziyyəti pisləşir, biz nə edək?

İnsan vaksininin hazırlanması 25 ildən az vaxta mümkün deyil. Bəzi insafsız, vicdansız, həkimlik adına layiq olmayanları çıxardıb onların dili ilə dünyaya yalan informasiya verirlər ki, 2-3 həftəyə də vaksin hazırlaya bilərik. Belə texnologiya yoxdur. Vaksin hazırlamaq uşaq oyuncağı deyil.

Amma indi insanlara vurulan vaksin olmadığı üçün, bəli onu tez hazırlamaq olar və mən deyərdim ki, o pandemiya oyunundan qabaq hazırlanıb hazır saxlanılmışdı.

Bu gün insanlar reaktiv psixoz vəziyyətinə gətirilib.

İmmun pasportların ortaya atılması 2 ildir ümidləri üzülmüş insanları dalana dirəyib: bu pasport olmasa heç yerə faktiki olaraq gedə bilməyəcəksiz, məscidlərə girə bilməyəcəksiz, ölkəni tərk etmək olmayacaq.

İnsanlar televiziya və kütləvi informasiya vasitələri ilə zombiləşdirilib.

Ümidsiz vəziyyətdə olan insan hər deyilənə inanır. Nə desən razı olur. Bundan da istifadə edib insanları inandırıb, zombi kimi yönəltdilər.
İnsanlar qorxdu ki, gözümün qabağında atam, qardaşım, qonşum öldüsə, xəstəxanalar dolubsa, deməli mən də yoluxub ölə bilərəm.

İnsanlar bəli ölürdü, amma koronavirusdan yox. Təhlükə var. İnsanların haqqıdır ki, nədən öldüyünü bilsin. Bunu kimsə onlara deməlidir ki, sizi kimyəvi maddə ilə xəstələndiriblər.

Bu gün dünyada Psixo bio terror əməliyyatı gedir.

Mən özümü piar etmək üçün bunları demirəm. Əksinə məni söyürlər. Azərbaycanda çox alimlər, həkimlər bunu bilir, amma məndən açıq danışanı yoxdur. Mən çəkinmirəm. Çox həkimlər isə təəssüf ki, satılıb.

Nə vaxtsa bu baş verənlərin əsl üzü ortaya çıxacaq, gerçəklər açılacaq. Hətta ola bilsin layihənin müəllifləri beynəlxalq tribunala çıxarılıb cavab verməli olacaqlar”.