Sarımsaq və zəngəfil: min bir dərdin təbii dərmanları: minillik məlhəmlərin sirri

Hər gün ZƏNCƏFİLLİ SU için! İmmuniteti möhkəmləndirir,
viruslardan qoruyur…

Zəncəfil hələ qədim zamanlarda dərman kimi istifadə olunurdu. Qədimdə təbiblər zəncəfilin köməyi ilə mədə, beyin xəstəliklərini, müxtəlif ağrıları, iltihabları müalicə edirdilər.

Zəncəfilli su çox faydalı müalicəvi və profilaktik vasitədir ki, onun köməyi ilə bir çox xəstəliklərin qarşısını almaq mümkündür.

Zəncəfilli su necə hazırlanır?

1 x.q. sürtgəcdən keçirilmiş təzə zəncəfili yarım litr isti (qaynar yox!) suda 1 saat ərzində dəmləyin və süzün. Dəmləməni gün ərzində için. İçdikdən əvvəl dəmləməyə limon və bal əlavə edə bilərsiniz. Dəmləməni yeməkdən 20 dəqiqə əvvəl içmək daha faydalı sayılır.

Zəncəfilli suyun faydaları:

– Həzmi yaxşılaşdırır, mədədə ağırlıq və köp kimi simptomları aradan qaldırır.

– Saglamolun.az bildirir ki, piylərin parçalanmasını sürətləndirən və qanda şəkərin səviyyəsini aşağı salan zəncəfilli su arıqlamağa kömək edir.

– Orqanizmdə iltihabları azaldır.

– Orqanizmdən artıq mayeni çıxardır və bununla da ürəyə və böyrəklərə düşən gərginliyi azaldır.

– 2-ci tip şəkərli diabet zamanı çox faydalıdır.

– Miqren, baş və oynaq ağrılarını, menstruasiya ağrılarını azaldır.

– Güclü xərçəng əleyhinə təsirə malik olduğundan xərçəngin riskini azaldır.

– Soyuqdəymə zamanı çox yaxşı kömək edir.

– Xolesterinin səviyyəsini aşağı salmaqla ürək və damar xəstəliklərinin riskini aşağı salır.

– Zəncəfilli su təbii enerji içkidir. Lakin bu içkilərdən fərqli olaraq orqanizmə heç bir mənfi təsir etmədən güc və gümrahlıq verir.

Nəzərə almaq lazımdır ki, bəzi xəstəliklər zamanı zəncəfil və zəncəfil dəmləməsinin qəbulu arzuolunan sayılmır. Bu mədə xorası və qastrit (kəskinləşmə dövründə) və bəzi digər xəstəliklərə aiddir.

Sarımsağın ilk dəfə BİLƏCƏYİNİZ FAYDALARI: Cinsi zəiflik, xərçəng, qan təzyiqi…

Sarımsaq deyiləndə ağıla ilk gələn şeylərdən biri ağız boşluğunda buraxdığı qoxudur.

Lakin buna baxmayaraq, güclü antioksidant olan sarımsağın faydaları saymaqla bitmir.

Publika.az xəbər verir ki, sarımsağın yağından və şampunundan istifadə etmək insan bədəninə bir çox faydalar verir.

Sarımsağın faydaları nələrdir? Hansı xəstəliklərin dərmanıdır? Sarımsaq necə istifadə olunmalıdır?

Sarımsaq nədir?

Allium cinsindən soğanlı bitki növü olan sarımsaq qədim zamanlardan bəri xalq təbabətində istifadə olunur. Tərkibində olan kimyəvi birləşmələr sulfid birləşmələridir. Sarımsağın allisin-antibakterial, anti-parazit və anti-kanserogen xüsusiyyətləri isbatlanıb.

25-100 sm yüksəkliyə qədər boy atan sarımsaq bitkisinin yarpaqlarında, saplarında və torpaq altındakı soğanında qoxulu yağ mövcuddur. Sarımsaq illik bitkidir. O, yabanı şəkildə yetişmir. Sarımsağın başında 84,09 %su, 13,38% orqanik, 1,53% inorqanik madde var. Əlavə olaraq, tərkibində 33 çeşid kükürd birləşməsi, 17 çeşid amin turşusu, germanium, A, B1 və C vitaminləri mövcuddur.

Faydaları

Sarımsaq güclü antibiotik maddə olması ilə məşhurdur. Buna görə də bir çox mövsümi xəstəliklərə qalib gəlir. Sarımsaq nəinki, daxili xəstəliklərdə, hətta gözəllik, cinsi aktivlik kimi məsələlərdə də tez-tez müraciət olunan bitkidir. Diş və qulaq ağrısını ən tez kəsən vasitə olan sarımsaq süd ilə birlikdə istifadə olunduqda daha ağızda pis qoxu buraxmır.

Bununla yanaşı, qrip, revmatizm, səsin batması, astma, badamcıq vəzlərinin şişməsi, öskürək, bronxit və oynaq ağrılarına da dərmandır. Tərlədici təsiri olduğu üçün qızdırmanın düşməsinə köməkçi olur. Bədənin immun sistemini qüvvətləndirir və hüceyrəqoruyucu təsiri ilə cavan qalmağı təmin edir. Bu təsir meningit, HİV virusu ilə mübarizədə də nəzərə çarpır. Ürək-damar sistemini gücləndirir və xolestrol və triqliseritin faizləri üzərində təsirini göstərir.

Xərçəng riskini azaldır

Mütəmadi olaraq çiy və ya az bişmiş sarımsaq istifadə etmək bağırsaq və mədə xərçəngi başda olmaqla, müxtəlif xərçəng növlərinin yaranma riskini azaldır.

ABŞ-da 41000 qadın üzərində aparılan araşdırmanın nəticəsinə görə, mütəmadi sarımsaq, meyvə və tərəvəz istifadə edən qadınlarda xərçəng riski istifadə etməyənlərlə nisbətdə 35% azdır.

Cinsi həyata təsiri

Sarımsaq bir çox mədəniyyətdə cinsi istəyi artıran maddə (afrodiziak) kimi tanınır. Nitrid-oksid ifrazına təşviq edən sarımsaq xolestrolu azaldıb qan təzyiqini artırır. Bu xüsusiyyəti ilə viaqradan daha təsirli olduğu isbatlanıb.

Zərərləri

Faydaları ilə yanaşı, sarımsağın zərərləri də yox deyil. Həddən artıq sarımsaq istifadə etmək mədədə problemlərin yaranmasına səbəb ola bilər. Xüsusilə, mədəsində qastrit olan insanlar sarımsaq yeyərkən diqqətli olmalıdır. Çünki acı ekstraktı ilə mədəyə gedən yolda, mədədə yanma hissi yarada bilir. Süd verən və hamilə qadınlar sarımsaq yeməzdən əvvəl mütləq şəkildə həkimlə məsləhətləşməlidir. Çünki bu, uşaqda qarın ağrısına yol aça bilər.

Sarımsaq yeyərkən ürək bulanması, qarın ağrısı, bədəndə qızarıqlıq və qaşıntı kimi problemlər ortaya çıxarsa, bu, sarımsağın əks təsirinin göstəriciləridir.