Böyük Dayaq Partiyası Təsis qurultayını keçirdi. Mirkazım Seyidov partiyanın sədri seçildi
Azərbaycan siyasi palitrasinda yeni bir partiya parıldadı. Siyasətlə milli mənafeyi, milli-mental dəyərlərin ən gözəl xüsusiyyətləri ilə çağdas dünyadakı modern ictimai-siyasi texnologiyaları birləşdirməkdə israrlı olan bu təsisat yeni dövrün tələblərinə cavab verən fəaliyyətləri ilə ictimai-siyasi meydanda iddialı görünmək fikrindədir.
Aprelin 9-da Böyük Dayaq Partiyasının təsis qurultayı keçirilib. Bakı şəhərindəki restoranlardan birindən idarə olunan qurultay pandemiya qanunlarına uyğun şəkildə baş tutub.
Qurultay nümayəndələrinin səsverməsi nəticəsində tanınmış ictimai-siyasi xadim Mirkazım Seyidov yeni yaradılan partiyanın sədri seçilib.
Qurltaya qonaq qismində qatılan bir neçə tanınmış siyasi partiyaların funksionerləri, dünyanın müxtəlif ölkələrindəki tanınmış diaspor liderləri yeni yaradılan partiyaya öz təbriklərini çatdırıblar.
Qurultayda partiyanın İdarə Heyəti və digər rəhbər strukturları formalaşdırılıb. Sonda qurultay iştirakçıları adından ölkə ictimaiyyətinə ünvanlanan bəyanat qəbul edilib.
