Asif Əsgərli – tanınmış QHT rəhbəri YAP İdarə Heyətinin üzvü seçildi

Yeni Azərbaycan Partiyasının bu gün keçirilən VII Qurultayında rəhbər strukturlarda gözlənilən dəyişiliklər özünü göstərdi. YAP İdarə Heyətinə seçilən yeni simalardan biri də tanınmış QHT rəhbəri, uzun müddət ölkədə vətəndaş cəmiyyəti quruculuğunda və gənclər hərəkatında rolu və uğurlu fəaliyyəti olan, Azərbaycan Demokratik Tələbə Gənclər Təşkilatının (ADTGT) sədri və Milli QHT Forumunun Vitse-prezidenti Asif Əsgərlidir.
1976-cı ildə Bərdə rayonunda anadan olan Asif Əsgərli Bakı Sosial İdarəetmə və Politologiya İnstitutunda (indiki AR Prezidenti yanında Dövlət İdarəçilik Akademiyasında) bakalavr və magistr təhsili almışdır. Tələbəlik illərindən ictimai-siyasi proseslərə və gənclər işinə qatılan Asif Əsgərli ölkədə gənclər hərəkatında və gənclər siyasətində xüsusi yeri olan ADTGT-nin ilk təsisçilərindən olub.
YAP İdarə Heyətinin üzvü eyni zamanda 1999-cu ildə Milli QHT Forumunun da ilk təsisçlərindən biri kimi Azərbaycanda vətəndaş cəmiyyətinin formalaşması və inkişafına öz töhfələrini vermişdir.
2001-2004-cü illərdə Azərbaycan Respublikası Gənclər Təşkilatları Milli Şurasının da sədr müavini olan Asif Əsgərli 2003-cü ildə rəhbərlik etdiyi təşkilatla Cənubi Qafqazda ilk dəfə olaraq Avropa Şurasının “Avropanın Fəal Gənc Vətəndaşı” Mükafatına layiq görülüb. 2019-cu ildə ölkə prezidenti cənab İlham Əliyevin sərəncamı ilə Azərbaycanda gənclər hərəkatının formalaşmasında və gənclər siyasətinin həyata keçirilməsində səmərəli xidmətlərinə görə “TƏRƏQQİ” Medalına layiq görülən Asif Əsgərli gənclər işinə, onların sosial inkişafına, fəal iştirakına, bilik və bacarıqlarının artırılmasına və eləcədə vətəndaş cəmiyyətinin inkişafına dair çoxsaylı layihə, proqram və təşəbbüslərin rəhbəri olmuşdur.
Asif Əsgərli Dağlıq Qarabağ münaqişəsi və həqiqətlərinin beynəlxalq arenada tanıdılması və ölkəmizin xarici nüfüzunun yüksəldilməsi istiqamətində dünyanın müxtəlif ölkələrində tədbirlərin təşkilatçısı kimi də özünü ölkə ictimaiyyətinə yaxşı göstərmişdir.
Elmi-pedaqoji fəaliyyətlə də məşğul olan YAP İdarə Heyətinin üzvü dövlət başçısının ölkədə ictimai nəzarətin əhəmiyyəti barədə çağırışına adekvat olaraq Azərbaycanda ictimai nəzarət imkanları və onun genişləndirilməsinə dair təkliflərlə mətbuatda və sosial mediada da çıxışlar etməkdədir.
Asif Əsgərliyə bu bu məsul siyasi fəaliyyətində yeni-yeni uğurlar arzulayırıq!

YENİ AZƏRBAYCAN PARTIYASININ İDARƏ HEYƏTİ

1. Əliyev İlham Heydər oğlu
2. Əliyeva Mehriban Arif qızı
3. Talıbov Vasif Yusif oğlu
4. Rəhimzadə Arif Qafar oğlu
5. İbrahimov Eldar Rza oğlu
6. Zabelin Mixail Yuryeviç
7. İsmayılov Amin İsmayıl oğlu
8. Əhmədov Əli Cavad oğlu
9. Qurbanlı Mübariz Qəhrəman oğlu
10. İsgəndərov Anar Camal oğlu
11. Əliyev Rauf Asif oğlu
12. Əzizov Eldar Əziz oğlu
13. Quliyev Musa İsa oğlu
14. Muradova Bahar Əvəz qızı
15. Muradov Ədalət Cəlal oğlu
16. Sadıqov Elnur Məhəmməd oğlu
17. Cahangirov Tofiq Şahmur oğlu
18. Budaqov Tahir Yaqub oğlu
19. Məmmədov Hikmət Baba oğlu
20. Badamov Azər Camal oğlu
21. Sofiyeva Aynur Məmmədiyyə qızı
22. Hüseynov Ramiz Ağəli oğlu
23. İbrahimov Fuad Natiq oğlu
24. Qasımov Elmar Eldar oğlu
25. Mahmudov Rəşad Məhəmmədqulu oğlu
26. Osmanov Cavid Həmid oğlu
27. Kərimzadə Pərvin Orxan qızı
28. Cəfərov Samir Qadir oğlu
29. Əsgərli Asif Məmməd oğlu
30. Mirkişili Tahir Famil oğlu
31. Elşad Mirbəşir oğlu
32. Akimova Elnarə Seydulla qızı
33. Əsgərov Vazeh Eldəniz oğlu
34. Məmmədov Ramin Ələmşah oğlu
35. Sucayev Əfsun Rəzzaq oğlu
36. Həmzəyeva Ülviyyə Tapdıq qızı
37. İsmayılov Şahin Əmir oğlu
38. Bayramov Rövşən Cənnət oğlu
39. Aslanov Bayram Mirazim oğlu
40. Cəfərov Kamal Xaqani oğlu